The Vegan හදලා වීගන් රහට හිත් යා කරන අපේ ඉංජිනේරුවා

The Vegan හදලා වීගන් රහට හිත් යා කරන අපේ ඉංජිනේරුවා

වෙජිටේරියන් සහ වීගන් අතර වෙනස දන්නෙ කීයෙන් කී දෙනාද ? මස් මාලු විතරක් නෙමෙයි කිරි බිත්තරවත් අනුභව නොකර මුළුමනින්ම ශාක ජනක ආහාර පරිභෝජනය කරන ජන කොට්ටාශයක් ඉන්නවා ඒ වීගන් අය. මේ වීගන් කියන දේ අපට තවමත් නුහුරු වුණාට ලෝකයේ බොහෝ රටවල වීගන් කියන තේමාව අද ජනප්‍රිය තේමාවක්. ඇත්තටම වීගන් වීමෙන් ඔබට ලැබෙන්නෙ සෞඛ්‍ය සම්පන්න ජීවිතයක් විතරක්ම නෙමෙයි. ඔබ වීගන් වීමෙන් ලොවට පරාර්ථකාමී අර්ථවත් මිනිසකු බව හඩගා කියනවා. ඒ නිසාම සතුන් පමණක් නොවෙයි ගහකොල පවා රැකෙනවා. දේශගුණික විපර්යාස බලපෑම අවම කරන්න දායක වෙනවා. මේ හැමදේම තිබුණත් වීගන් වෙන එකත් ලෙහෙසි වැඩක් නෙවෙයි කියලා ඇතමෙක් කලින් කල්පනා කරන්නට ඇති. නමුත් වීගන් අවන්හල් දොරෙන් දොරට යාවෙනකොට අපටත් වීගන් රහ බලන්න ඒ රහ එක්ක ජීවත්වෙන්න අවස්ථාව උදාවෙනවා. නවෝද් කවින්ක පයාගල කිය්නෙ වෘත්තියෙන් ඉංජිනේරුවරයෙක්. හැබැයි මේ තරුණයා අනෙක් අයට වඩා වෙනස් විධියට හිතන තරුණයෙක්. පුංචිකාලේ වීගන් නොවුන කවින්ක බොරලැස්ගමුව, කොළඹ හොරණ පාරේ රත්තනපිටිය 117/බී /1 ස්,ථානයේ The Vegan අවන්හල විවෘත කළේ පසුගිය පොහොය දිනයෙදියි. Meatless Monday Sri Lanka කණ්ඩායම විධියට අප ඔහුව මෙසේ කෙටි සම්මුඛ සාකච්ඡාවකට එක්කරගනු The Vegan  ගැන තවත් බොහෝ දේ දැනගන්න. ඒ විතරක් නෙමෙයි රටට ලෝකෙට ආදර්ශයක්වන මෙවැනි අදහස් තවත් ප්‍රචලිත කිරීමේ අදහසින්.

කවින්ක කොහොමද ජීවිතේ ?

ඉතාමත් හොදින් ඉන්නවා. මේ දවස්වල වැඩිපුර කාර්ය බහුල වුණා රැකියාව මෙන්ම අපේ The Vegan අවන්හලේ කාර්යන්ට සම්බන්ධවීමට සිදුවුණ නිසා.

පුංචි කාලෙ වීගන් නොවුන ඔබ වීගන් වුණ හැටි කැමතියි දැනගන්න ?

ඔබ කිව්වා හරි මම කුඩා කාලයේ වීගන් ආහාරයට ගත්ත කෙනෙක් නෙමෙයි. මම වෙජිටේරියන් වෙලා පසුව වීගන් වුණ කෙනෙක්. පාසල් යන කාලයේ ඉදන් බල්ලො පුසන්ට අදාරය කළා. සාමාන්‍යපෙළ කරන කාලෙ වෙනකොට හරක් මරණ එකට කැමැති නැහැ. හරක් මස් කනවට විරුද්ධයි. හැබැයි තර්කයක් අනුවයි මම මස් මාලු හා කිරි බිත්තරවලින් පවා ඉවත්වෙලා වීගන් ආහාර රටාවකට හුරුවෙන්නෙ.

කොළඹ රාජකීය විද්‍යාලයේදිද මෙම අදහස ඔබට වැටහුණෙ ?

පාසල් කාලයේ ඉදන් මම අර කිව්ව අදහස්වල මම හිටියා. හැබැයි මම තාර්කිකව හිතන්න ගත්තා මොකද්ද නිවැරදි දේ කියලා. ඇත්තටම පව පින අනුව හිතලා නෙමෙයි මම වීගන්‌ වෙන්නෙ. තර්කයක් තියෙනවා නේ අනුන් මරණ මස් අපි කෑවට කමක් නෑ අපි නෙමෙයි මරන්නෙ කියලා. හැබැයි අපි කණ නිසා තමයි ඒ ඉල්ලුමට හරියන්න සතුන් මැරෙන්නෙ. අපි කිරි බොන නිසා තමයි ඒ සතුන්ගෙ කිරි ගන්න වෙළදාම ඉහළට එන්නෙ. ඒ තත්ත්වයයි මග හරින්න උවමනා වුණේ.

වීගන් වලට වඩා සමාජයේ බැලු බැල්මටම ඉල්ලුම තියෙන්නෙ මාංශ ආහාරවලට ඔබ පටන් ගන්නෙ එවැනි ව්‍යාපාරයක් ?

ඇත්තටම මට මෙතන වැදගත් වුණේ තේමාව. වීගන් පාරිභෝගිකයන්ට ඇවිත් වීගන් අවන්හලක තමන් කැමැති නිදහසේ ඉදලා ආහාරවේලක් අරගෙන යනවා නම් අර මගේ තියෙන තේමාවට ඒක ගැලපෙනවා. ඒකට මම කැමැතියි. මට අපේ ආයතනයේ සාමාජිකයෙක් කිව්වා සර් යුවලක් ඇවිල්ලා පැය ගාණක් හිටියා හැබැයි බ්ලැක් කොෆි දෙකක් විතරයි බිව්වෙ කියලා. මම කිව්වා කමක් නෑ මොන තරම් වෙලා හිටියත්. අපට අවශ්‍යය වෙන්නෙ මේ වීගන් පණිවුඩය රටටත් ලෝකයටත් ගෙනයාම කියලා. ඒ නිසා ලාභයම නෙමෙයි මගේ අරමුණ. මට ජීවත්වෙන්න රැකියාවක් තියෙනවා.

වීගන් අවන්හලක් පටන් ගන්නවා කිව්වම අනෙක් අවන්හලකට වඩා අභියෝග ගණනාවක් එනවා ?

ඔව් ඇත්ත. මාත් එක්ක මේ වැඩේ කරන්න එකතුවුණේ මගේ මල්ලි විනෝද් නවින්ක පයාගල, ඔහු වෘත්තියෙන් ගණකාධිකාරිවරයෙක්. ලක්ෂාන් බුද්ධික මගේ මිතුරා ඔහුත් ඉංජිනේරුවරයෙක්. නිශාන් අනුරුද්ධ මගේ පාසල් මිතුරා. මේ අයගෙත් විශේෂත්වය තමය් ඔවුන් එක්කො වෙජිටේරියන් නැතිනම් වීගන් වීම. මගේ අරමුණට මේ වැඩේට සම්බන්ධවුණ පිරිසත් ගැලපුණේ එහෙමයි. අම්මත් ඇවිත් උදව් කළා මුල ඉදන්ම මේ වෙලාවේ ඇයත් මතක් කළ යුතුමයි.අනෙක් කාරණය සාමන්‍ය බටර් එකකට වඩා වීගන් බටර් එකක මිල දෙගුණයකටත් වැඩියි. අනෙක් හැම අමුද්‍රව්‍යක්මත් සාමාන්‍ය දේට වඩා කිහිප ගුණයකින් මිලෙන් අධිකයි. හැබැයි. ඒ අභියෝග භාරගෙන වීගන් රසිකයන් වෙනුවෙන් කටට රහට ආහාර නිර්මාණය කරන්න මගේ පාසල් මිතුරා නිශාන් විශාල වෙහෙසක් ගන්නවා. මිලත් සාධාරණයි. 

දැන් The Vegan අවන්හලට ඇවිත්  රහට කන්නයි හිතෙන්නෙ ?

සිනාසෙයි. අපි බර්ගර් සහ සම්මැරීන් විවිධ වර්ගවලින් දැනට ලබා දෙනවා. බර්ගර් සම්මැරීන් විතරක් නෙමෙයි අප වීගන් ඩ්‍රින්ක්ස් හදුන්වලා දෙනවා. කිරල, කැරට්, වගේ අලුත් හදුන්වාදීම්, ඒ වගේම සියලුම පළතුරුවර්ගවල බීම වර්ග අපේ අවන්හලට ඇවිත් ලබාගන්න පුළුවන්. දැනට පටන් ගත්ත විතරයි. තව බොහෝ දුර යන්න තියෙනවා. අලුත් අලුත් වීගන් කෑම අපේ The Vegan පාරිභෝගිකයන් වෙනුවෙන් ලබා දෙන්නයි අපේ වෑයම.

ඔන්න එහෙනම් කවින්ක ඇතුළු The Vegan කණ්ඩායමට Meatless Monday Sri Lanka කණ්ඩායමේ උණුසුම් සුබ පැතුම්. බොරලැස්ගමුව පැත්තෙන් යන එන ගමන් The Vegan අවන්හලට ගිහිං බලන්න. වීගන් තාරුණ්‍යය එක්ක කෑම වේලක රස බලන්න. උදේ 10 ඉදන් රෑ 10 වෙනකම් විවෘතව තියෙනවා. විස්තර උවමනා නම් 0113640470 දැනගන්න පුළුවන්.අපේ යහළුවන්ටත් මේ පණිවුඩය හුවමාරු කරන්න. ජය ! 

රමේෂ් වරල්ලෙගම /සජානි කපුකොටුව Meatless Monday Sri Lanka

පාරිභොගික අයිතීන් ආරක්ෂා කෙරෙන පරිසර හිතකාමී තිරසාර සංවර්ධනය

පාරිභොගික අයිතීන් ආරක්ෂා කෙරෙන පරිසර හිතකාමී තිරසාර සංවර්ධනය

කොළඹ ආහාර ප්‍රදර්ශනය 2017 සංවිධාන රැසක එකමුතුවෙන් පසුගිය දෙසැම්බර් 09 හා 10 දෙදින පැවැත්විණි.

තරුණ සහභාගිත්වය සහ නායකත්වය ව්‍යවසායකත්වයට යොමු කිරීමේ ක්‍රියාදාමයක් ලෙස පැවැති මෙම ප්‍රදර්ශනයට ව්‍යවසායකයන්,රාජ්‍ය නොවන සංවිධාන, අන්තර්ජාතික රාජ්‍ය නොවන සංවිධාන, දේශිය කණ්ඩායම්, එකමුතු කණ්ඩායම් ඇතුළු සංවිධාන කිහිපයක් එක්ව සිටිනු දක්නට ලැබිණි.

සාමය ගොඩනැගීම, සංහිදියාව, මානව හිමිකම් සදහා මුලපිරීම, තිරසාර සංවර්ධනයේ ඉලක්ක හදුනා ගැනීම මෙම ප්‍රදර්ශනය ඔස්සේ හදුනාගැනීමට හැකිවීම විශේෂත්වයකි.

ජාතික ඒකාබද්ධතා හා ප්‍රතිසන්ධාන අමාත්‍යංශය හා එක්ව රෝඩ් ටු රයිට් සංවිධානය, එක්සත් ජාතින්ගේ තිරසාර සංවර්ධන ඉලක්ක ක්‍රියාත්මක කිරීමේ වැඩපිළිවෙල මෙම මෙම ප්‍රදර්ශනය සංවිධානය කර තිබිණි.

ස්ලයිකැන් භාරය මෙම ප්‍රදර්ශනයට එක්වෙමින් නිර්මාංශ සදුදා ශ්‍රි ලංකා ව්‍යාපාරය ඔස්සේ තිරසාර ජීවන ක්‍රමයක් වැඩිදියුණු කර ගැනීමේ හැකියාව පිළිබදව පුළුල් දැනුවත්කිරීමක් සිදු කළේය.

තිරසාර ජීවන ක්‍රමයකට හුරුවීම ඔස්සේ දේශගුණික විපර්යාස අවම කළ හැකි බව දැනුවත් කිරීම නිර්මාංශ සදුදා ශ්‍රි ලංකා ව්‍යාපාරය ප්‍රදර්ශනය තුළ සිදුකළ විශේෂ කාර්යයකි.

ස්ලයිකැන් භාරයේ ව්‍යාපෘති අධ්‍යක්ෂිකා නීතිඥ වොසිතා විජේනායක මහත්මිය තිරසාර සංවර්ධන ඉලක්ක මැයෙන් මෙම ප්‍රදර්ශනය අමතා කතා කළාය. ඉතා කල්පනාකාරීව පරිභෝජනය සකසා ගැනීම ඔස්සේ තිරසාර සංවර්ධනය ලගා කර ගත හැකි බව ඇය පෙන්වා දුන්නාය.

“පරිසර හිතකාමි ලෙස පාරිභෝගික අයිතින් ආරක්ෂා කරමින් දේශගුණ විපර්යාසවලට එරෙහිව සටන් කිරීම ඉතා අපහසු කාර්යක්. නමුත් මනා අවබෝධයෙන් යුතුව අප සතු සම්පත් පරිසර හිතකාමි ලෙස තමන්ගේ පරිභෝජනය සදහා සෑහෙන ආකාරයට පරිභොජන කිරීමෙන් මෙම තත්ත්වය ඉතා හොදින් මුහුණදිය හැකිවෙනවා” ඇය සදහන් කළාය.

ස්ලයිකැන් භාරයේ කටයුතු පිළිබදවද මෙහිදී නීතිඥ වොසිතා විජේනායක මහත්මිය කරුණු පැහැදිලි කළාය. තරුණ සහභාගිත්වය පුළුල් කරමින් සිය සේවාවන් විවිධ සමාජ මට්ටම් සදහා පුළුල් කරන ස්ලයිකැන් භාරය සමාජ සාධාරණත්වය සහ සත්ත්ව සුබසාධනය වෙනුවෙන් ප්‍රධාන වශයෙන් කටයුතු කරමින් සිටින බව ඇය පෙන්වා දුන්නාය.

උතුරු හා නැගෙනහිර ප්‍රදේශවල ගොවි ජනතාව කාබනික පොහොර භාවිතය පිළිබද දැනුවත් කරමින් ස්ලයිකැන් භාරය සිදුකළ කෘෂි ව්‍යාපෘති හා ක්‍රියාකාරකම් ගැන මෙහිදි නීතිඥ වොසිතා විජේනායක මහත්මිය සිහිපත් කළාය.

මාංශ පරිභෝජනය අවම කිරීම ඔස්සේ හරිතාගාර වායු විමෝචනයද අවම කළ හැකි බව නිර්මාංශ සදුදා ශ්‍රි ලංකා ව්‍යාපාරය විසින් මේ වනවිට හදුන්වා දී තිබේ.

අප අපගේ ආහාර රටාවන් වෙනස් කර ගන්නවා නම් පශු සම්පත් කර්මාන්ත ඔස්සේ ගෝලීය වශයෙන් සිදුවන හරිතාගාර විමෝචන බලපෑම වෙනස් කළ හැකිවෙනවා යැයි නීතිඥ වොසිතා විජේනායක මහත්මිය පෙන්වා දුන්නාය.

මෙම තත්ත්වය තේරුම් ගනිමින් අපට අපගේ ආහාර වේල සතියකට එක් වතාවක් හෝ වෙනස් කර ගැනීමට හැකිනම් එය ඉතා වටිනවා. සතියේ සදුදා දිනයේ හෝ නිර්මාංශ වන්නැයි අප යෝජනා කරන්නේ ඒ නිසයි. සියලු දෙනාම එක්ව නිර්මාංශ සදුදා ශ්‍රි ලංකා ව්‍යාපාරය හා අත්වැල් බැද ගනිමින් සදුදා දිනයේ නිර්මංශවී සිටින්නේ නම් දේශගුණ විපර්යාස සදහා වන බලපෑම අවම කළ හැකිවෙනවා. නිර්මාංශ සදුදා ව්‍යාපෘතිය ඔස්සේ මේ වනවිටත් රට තුළ විවිධ පාර්ශව දැනවත් කර තිබෙනවා.

දේශගුණ විපර්යාස සම්බන්ධයෙන් තවදුරටත් දැනුවත් කිරීම්, දේශගුණ සාක්ෂරතාව ඉහළ නැංවීම, විද්‍යාත්මක දත්ත එක්රැස්කිරීම,  නැමැති ප්‍රමුඛතම අංශ තුන ඔස්සේ ශ්‍රි ලංකාවේ දේශගුණික විපර්යාසයන් පිළිබදව ආමන්ත්‍රණය කළ යුතුයි. ජනතාවගේ සමාජීය තත්ත්වයන්, අදායම් මට්ටම්, වයස් සීමා, ලිංගික බලපෑම්, දේශගුණ විපර්යාසයන්ගෙන් අනතුරට භාජනය විය හැකි තත්ත්වයන් එහිදී විශේෂ සැළකිල්ලට ගත යුතුව තිබෙනවා.

මේ සම්බන්ධයෙන් රට තුළ එක් ප්‍රතිපත්තියක් සකස්වීමේ අවශ්‍යතාව තිබේ. ශ්‍රි ලංකාව හරිත දනව්වකට මුල පුරන්නේ නම් දේශගුණික විපර්යාස සම්බන්ධ ප්‍රතිපත්ති හා නීතිමය රාමු රට තුළ ක්‍රියාත්මක කිරිමත් අත්‍යවශ්‍ය කරුණක්. එවිට කිසිවකුටත් ඊට ප්‍රතිවිරුද්ධව කටයුතු කළ හැකි වන්නේ නැහැ. දැනට ඒ සදහා අප කළ යුතුවන්නේ තනි තනිව ස්වභාව ධර්මයට හානි නොවන ආකාරයට මනා අවබෝධයෙන් යුතු පරිභෝජන රටාවකට හුරුවීම යැයි නිතිඥ වොසිතා විජේනායක මහත්මිය පැවැසුවාය.

නිර්මාංශ ජීවන රටාවක් මගින් කාලගුණ විපර්යාස අවම කිරීම සඳහා ශ‍්‍රී ලංකා උපදේශනය

නිර්මාංශ ජීවන රටාවක් මගින් කාලගුණ විපර්යාස අවම කිරීම සඳහා ශ‍්‍රී ලංකා උපදේශනය


වර්තමානයේ මිනිසාට එල්ල වී තිබෙන ප‍්‍රධානතම අභියෝගය වන්නේ කාලගුුණ විපර්යාසයයි. දේශගුණ විපර්යාසයේ අහිතකර බලපෑම සැළකිල්ලට ගැනීමේදී ගෝලීය වශයෙන් සිදුවන විමෝචන මට්ටම කපාහැරීම අත්‍යවශ්‍යයෙන් හා කඩිනමින් කළ යුතු බව මැනවින් පෙනීයයි. එක්සත් ජාතීන්ගේ සංවිධානයේ ආහාර හා කෘෂිකර්ම සංවිධානය :ත්‍්ධ*පෙන්වා දී ඇත්තේ දේශගුණ විපර්යාසයන්හි අහිතකර ප‍්‍රතිවිපාක ඇතිකිරීමට බලපාන විමෝචනය සඳහා වැඩි දායකත්වයක් සපයනු ලබන්නේ පශු සැපයුම් දාමය හා මාංශ නිෂ්පාදන කර්මාන්ත වනබවයි. වර්ෂයකට කාබන් ඩයොක්සයිඞ් ගිගාටොන් 7.1ක් විමෝචනය කරන අතර ඉන් 14.5%ක්ම මිනිසා විසින් මුදාහරිනු ලබන හරිතාගාර වායුව ය. ඊට අමතරව සත්ව ගොවිකම නිසා සිදුවී ඇති බරපතළම ප‍්‍රතිවිපාකය වන්නේ ගවයන් සඳහා තණබිම් ඇතිකිරීම නිසා කරනු ලබන වන විනාශයෙන් ජෛව විවිධත්වය අහිමි වීමය. සත්ව ගොවිපළවල සත්ව අපද්‍රව්‍ය බැහැර කිරීමේ ක‍්‍රමවේද නිසා සිදුවන පිරිසිදු ජල මූලාශ‍්‍ර විනාශවීමෙන් ද අහිතකර තත්ත්වයක් උද්ගත වී ඇත.පශු කර්මාන්තයේදී සිදුවන හරිතාගාර වායු විමෝචනය සැළකිල්ලට ගෙන එය අවම කිරීමට කටයුතු කළ යුතු වේ. එ් නිසාම මාංශ අඩුවෙන් ආහාර ගැනීම සඳහා පෙළඹවීමේ ව්‍යාපෘතිය පාරිසරික වශයෙන් දැනුවත් වූ විකල්පමය ජීවන රටාවක් පිළිබඳ කරන හැඟවීම ඉතා වැදගත් ය. එමගින් දෛනිකව මාංශ පරිභෝජනය ප‍්‍රමාණාත්මකව අඩුකිරීම තුළින් විමෝචනය අවම කිරීමට හැකියාව ලැබෙන අතර තවදුරටත් එය පැරිස් සම්මුතියේදී එකඟ වූ ආකාරයට රටක් ලෙස අපේක්ෂිත අරමුණට නිතැතින්ම ළඟාවනු ඇත. මෙය සෞඛ්‍ය සම්පන්නව ජීවිත්වීම පමණක් නොව, කාබන් මුදාහැරීමේ ප‍්‍රමාණය අවම කිරීමට තනි පුද්ගලයන් වශයෙන් හා සාමූහික වශයෙන් වගකීම් ඉටුකිරීමට දායකවීමක් ද වනු ඇත. එසේම මාංශ කර්මාන්තය තුලනය කිරීම තුළින් සත්ව සුබසාධනය තහවුරු කෙරෙන මානව හිතකාමී ක‍්‍රමවේද ඇතුළත් කොට පශු නිෂ්පාදන වඩාත් තිරසාර රටාවකට ගෙනයනු ඇත. මෑතකදී අනුමත කරන ලද ශ‍්‍රී ලංකාවේ ජාතික තිරසර දායකත්ව වැඩපිළිවෙළතුළදේශගුණ විපර්යාස සම්බන්ධයෙන් මෙන්ම මෙරට පශු සම්පත් ක්ෂේත‍්‍රවලට අදාළ අංශ කෙරෙහි ද අවධානය යොමු කර තිබේ. මෙමගින් වායු විමේචනය සිදුවන සත්ව ගොවිපළ කටයුතු හා මාංශ නිෂ්පාදන අවම කිරීමට දායකත්වය දක්වනු ඇත. ඉහත දෑ කි‍්‍රයාත්මක කිරීමේදී ජාතික තිරසර දායකත්ව වැඩපිළිවෙළ ගන්නා කි‍්‍රයාමාර්ග දේශගුණ විපර්යාස හෝ මානව වර්ගයාට පමණක් නොව, සත්වයන් කෙරෙහි ද හිතකර බලපෑමක් වනු ඇත.සත්ව සුබසාධන ගැටලූ සම්බන්ධයෙන් ීඛශක්‍්භඅරමුදල සමඟ ද එක්ව කටයුතු කරන භාග්‍යා වික‍්‍රමසිංහ, දේශගුණ විපර්යාස පිළිබඳව පැවැත්වූ ගෝලීය තරුණ සංසදයේ දී ඵැ්එකැිි ඵදබා්හවැඩසටහන පිළිබඳ අදහස් දැක්වූවාය. එම වැඩසටහන මගින් මාංශ අඩු කොට එළවළු සහිත ආහාර ගන්නා ජීවන රටාවකට ජනතාව හුරුකරවන බව ඇය පැවසුවාය. එමෙන්ම නිරෝගී බව පිළිබඳ සිතාබලා මාංශ ආහාරයට ගැනීමට සැලැස්වීම නිසා දැනුවත්භාවය ඔස්සේ ආහාර ගන්නා ආකාරය ජනතාවට උපදේශ සපයන බව ද ඇය සඳහන් කළාය. දැනුවත්භාවයෙන් යුතුව ආහාර ගැනීම හා මාංශ අවම ආහාර පරිභෝජනය වඩාත් වැදගත් වනුයේ තනි පුද්ගලයන් වශයෙන් දේශගුණ විපර්යාසවලට කරන අහිතකර බලපෑම අවම කිරීමට දායකත්වය සැපයීම බව ද ඇය වැඩිදුරටත් සඳහන් කළාය. මහවැලි සංවර්ධන හා පරිසර අමාත්‍යාංශය විසින් පවත්වනු ලබන ‘මීළඟ ශ‍්‍රී ලංකාව – නීල හරිත යුගයක්’ නමැති ප‍්‍රදර්ශනය හා සම්මේලනය සහ 5 වැනි ආසියා-පැසිෆික් දේශගුණ විපර්යාස සමුළුව බණ්ඩාරනායක ජාත්‍යන්තර සම්මන්ත‍්‍රණ ශාලාවේදී ඔක්තෝබර් 17 වැනිදා සිට 19 වැනිදා තෙක් පැවැත්වේ. දේශගුණ විපර්යාස වැළැක්වීම සඳහා ශාක මූලික ආහාර ගැනීමේ වැදගත්කම පෙන්වාදීම සඳහා මෙහි සමාරම්භක උළෙලේ රාත‍්‍රි භෝජන සංග‍්‍රහය පැවැතියේ මාංශවලින් තොරව ය. මෙහිදී පැවැති දේශගුණ විපර්යාස පිළිබඳ සංසදයේ අවධානය මූලික වශයෙන් යොමුවී තිබුණේ ‘සෙල්සියස් අංශක 2ට අනුගත වීම හා ජීවත්වීම – ප‍්‍රතිපත්ති හා භාවිතයේ ඇති බාධක ඉවත් කිරීම’ යන තේමාව ඔස්සේය. ජාත්‍යන්තර හා දේශීය නියෝජිතයන් දහසකට අධික සංඛ්‍යාවක් දේශගුණ විපර්යාස සමුළුව සඳහා සහභාගි විය. මෙහිදී සූදානම් කර තිබු ආහාර වර්ග බොහොමයක් සකස් කර තිබුණේ පරිසර හිතකාමී අයුරින් මාංශවලින් තොරව, සතුන්ට ද සුබසාධනය සලසමින් ජීවත් විය හැකි බවට ආදර්ශ සපයමින් වීම විශේෂත්වයකි. මාංශ රහිත ආහාර යොදාගනිමින් පැවැත්වූ මෙම පිළිගැනීමේ උත්සවය, තමා සතු සමාජමය වගකීම මැනවින් කියාපාන අයුරින් ශ‍්‍රී ලංකා රජයේ නිලධාරීන්ගේ මඟපෙන්වීම ඔස්සේ නීල හරිත යුගයක් කරා යන ගමනේ සැබෑ අරුත සනිටුහන් කළේය. 

#Youth4Youth  2017 තිරසර ජීවන රටා ප‍්‍රවර්ධනය

#Youth4Youth 2017 තිරසර ජීවන රටා ප‍්‍රවර්ධනය


එක්සත් ජාතීන්ගේ ජනගහන අරමුදල මගින් සංවිධාන කර ස්ලයිකැන් භාරය විසින් මෙහෙයවනු ලැබූ දින 4ක් පුරා පැවැත්වෙන #Youth4Youth සම්මන්ත‍්‍රණය නොවැම්බර් 28 වැනිදා අනුරාධපුරයේදී ආරම්භ කළේය. සෞඛ්‍යය පිළිබඳ අභිපේ‍්‍රරණ වැඩසටහනක් ලෙස පැවැත්වෙන මෙම සම්මන්ත‍්‍රණය උතුර සහ වයඹ පළාත්වල තරුණ ප‍්‍රජාව සහභාගි කරගනිමින් තරුණ ප‍්‍රජාව උදෙසාම පවත්වන ලද්දකි.  රජයේ සහ පෞද්ගලික අංශය සම්බන්ධ කරගනිමින් තරුණ ප‍්‍රජාව, තීරණ ගැනීම, සහභාගිත්වය හා තිරසර සමාජයක් ගොඩනැංවීම උදෙසා මෙම සම්මන්ත‍්‍රණය පැවැත්විණ. සම්මන්ත‍්‍රණය සඳහා 100 දෙනකුට අධික කාන්තා සහ පිරිමි භේදයකින් තොරව තරුණ තරුණියන් සහභාගි වී සිටියහ.
වඩාත් හොඳ සෞඛ්‍යයක සහ යහපැවැත්මක ඇති වැදගත්කම
මෙම සම්මන්ත‍්‍රණයේදී අරමුණු කෙරුණේ සෞඛ්‍යය සඳහා කායික හා මානසික සුවතාව කෙතරම් වැදගත්කමක් උසුලන්නේ ද යන්න පිළිබඳවයි. එහිදී විශේෂ අවශ්‍යතා ඇති අය වෙනුවෙන් සමාජ සාධාරණය විය යුතු ආකාරය පිළිබඳවද සාකච්ඡවට බ`දුන් විය. තිරසර සංවර්ධන ඉලක්ක (SDG) සපුරාගැනීම සඳහා යහපත් සෞඛ්‍යයක ඇති වැදගත්කම පිළිබඳවද මෙහිදී ගැඹුරින් අවබෝධ කරගැනීමට අවස්ථාව සලසා දී තිබිණ.    ආහාර නිෂ්පාදනය හා දේශගුණ විපර්යාස
තිරසර ජීවන රටාව යන්න මුළුමහත් දේශීය ආහාර පද්ධතිය තුළ නිෂ්පාදනය, කි‍්‍රයාවලිය, බෙදාහැරීම, ප‍්‍රවේශය, පරිභෝජනය සහ සම්පත්/කසළ කළමනාකරණය යන කරුණු සඳහා අයත් වන ආකාරය පිළිබඳවද මෙහිදී කරුණු ඉදිරිපත් කළේය. දේශගුණ විපර්යාස සඳහා ආහාර නිෂ්පාදනය ප‍්‍රධාන ලෙසම දායකත්වය දක්වන ආකාරයත් ගෝලීය ආහාර නිෂ්පාදනය හේතුවෙන් 19-29% ක් හා කෘෂිකර්මාන්තයෙන් 25%ක් පමණ වන වායු විමෝචන තත්ත්වයන් පිළිබඳව ද මෙහිදී සාකච්ඡ කෙරිණි. එමෙන්ම හරිතාගාර වායු විමෝචනයෙන් 14.5ක ප‍්‍රතිශතයක් පශු සැපයුම් දාමය හේතුවෙන් සිදුවන බවටද මෙහිදී සඳහන් කෙරිණ.
ශ‍්‍රී ලංකාවේ මාංශ කර්මාන්තය
ගෝලීය වායු විමෝචනයේ ප‍්‍රධානතම විමෝචකයා හරිතාගාර වන බැවින් ඊට දායක වන කිරි හෝ මාංශ සඳහා සත්ව ගොවිපළ, ගව පාලනය යනාදි කරුණු පිළිබඳ මෙහිදී ග‍්‍රැෆික් නිර්මාණ ආශ‍්‍රියෙන් ඉදිරිපත් කළේය. ශ‍්‍රී ලංකාව තුළ නිර්මාංශ ජීවන රටා ප‍්‍රවර්ධනය වන ආගමික පසුබිමක් පැවතිය ද එය ද අභිබවමින් මෙරට මාංශ වෙළෙඳපොළ තුළ සියයට 70ක්ම ඉල්ලම ඇත්තේ කුකුල් මස්වලට ය. මාංශ පරිබෝජනය හේතුවෙන් පිළිකා ඇතිවීමේ ප‍්‍රවණතාව හා එය ඇතිවිය හැකි ආකාරය පිළිබඳව ද මෙහිදී සඳහන් කළේය.
ආහාර රටාව වෙනස් කිරීමේ අවශ්‍යතාව
ඔක්ස්ෆර්ඩ් මාර්ටින් වැඩසටහන මගින් ඉදිරිපත් කරන ලද අනාගතයේ ආහාර පිළිබඳ අධ්‍යයන වාර්තාවේ නිදසුන් ලබාගනිමින් අපගේ ආහාර රටා වෙනස් වීමේ වැදගත්කම මෙහිදී අවධාරණය කරන ලදී. මෙම අධ්‍යයනය මගින් හෙළිකළ 2050 දක්වා වන ආහාර රටා හේතුවෙන් වන වායු විමෝචන බලපෑම පිළිබඳ මෙහිදී කරුණු දැක්වීය. එළවළුමය ආහාර මූලික ජීවන පැවැත්මකින් ලැබෙන සෞඛ්‍යසම්පන්න බව, ශක්තිය හා 2050දී එමගින් 45%ක් පමණ වන වායු විමෝචනය අඩුවීම පිළිබඳ මෙහිදී අවධාරණය කෙරිණ. එමෙන්ම නිර්මාංශ ආහාර ගැනීම මගින් 2050දී ආහාර වායු විමෝචනයෙන් 55%ක් මුලුමනින්ම අඩුවනු ඇති බව ද එහිදී සඳහන් කෙරිණි. පවතින ආහාර රටාවන් නිර්මාංශ හා එළවළුමය ආහාර දක්වා වෙනස් කිරීමත් ව්‍යායාම කිරීමත් ඒවායින් ලැබෙන ප‍්‍රතිලාභ පිළිබඳවත් ප‍්‍රවර්ධනය කෙරුණු අතර මෙතෙක් හුරුවී සිටින මාංශ බහුල ආහාර රටා තුළින් සෞඛ්‍යයට එල්ලවල අහිතකර බලපෑම ඳව ද මෙම සම්ම්නත‍්‍රණයේදී ගැඹුරින් අවධාරණය කෙරිණි.
නිර්මාංශ සඳුදා ශ‍්‍රී ලංකා ව්‍යාපෘතිය
ස්ලයිකැන් භාරය සහ ජාත්‍යන්තර මානවවාදී සමාජය සහයෝගීත්වයෙන් සිදුකරනු ලබන දැනුම්වත් කිරීමේ ව්‍යාපාරය පිළිබඳව ද මෙහිදී තරුණ ප‍්‍රජාව හමුවේ හන්වා දෙනු ලැබීය. නිර්මාංශ සඳුදා ශ‍්‍රී ලංකා ව්‍යාපෘතිය ඉලක්ක කරනුයේ මාංශ පරිභෝජනයෙන් මිහිතලයට සිදුවන අහිතකර බලපෑම පිළිබඳ ප‍්‍රවෘත්ති සාකච්ඡ, සංවාද මණ්ඩප ආදිය මගින් දැනුම්වත් කිරීමයි. එපමණක් නොව, රටේ පවතින පිළිගත් ආගමික හා සංස්කෘතික පසුබිම මධ්‍යයේ නිර්මාංශ ජීවන රටාවක් හා සත්ව සුබසාධනය අනාගත තිරසර ජීවන රටාවන්ට හා අනාගත ව්‍යාපෘති උදෙසා කි‍්‍රයාත්මක කළ හැකි බවද මෙහිදී අවබෝධයක් ඇතිකරන ලදී.
මානසික සෞඛ්‍යය, ආබාධිතබව හා සමාජ සාධාරණය
සෞඛ්‍ය උදෙසා මානසික සුවය, සමාජමය ඉච්ඡුාබංගත්වය, මානසික ප‍්‍රශ්න යන කරුණු වෙත අවධානය යොමුකරමින් ශ‍්‍රී ලංකාවේ වෙසෙන කායික හෝ මානසික ගැටලු පවතින පුද්ගලයන්, සමාජමය අපකීර්තියට පත්වීම්, විශේෂ අවශ්‍යතා ඇති පුද්ගලයින්ට පහසුකම් අවම වීම ආදී කරුණු පේ‍්‍රක්ෂකාගාරයට ඉදිරිපත් කළේය. එම කරුණු හේතුවෙන් තිරසර සංවර්ධන ඉලක්ක කරා යාමේ දී ඇතිවන බාධාවන් පිළිබඳ මෙහිදී අනාවරණය කෙරිණ. විශේෂයෙන්ම තිරසර සංවර්ධන ඉලක්ක -3 වඩා හොඳ සෞඛ්‍ය්‍ක් හා යහපැවැත්මක් යන කාරණයේදී මෙය අතිශයින් වැදගත් වේ.
2012 වසරේ ජනගහන හා නිවාස සංඛ්‍යාලේඛන දත්ත යොදාගනිමින් එහිදී අවධාරණය කළ තවත් කරුණත් වන්නේ අවුරුදු 5 සිට 19 දක්වා වන ජනගහනයෙන් 53%ක් පිරිමින් හා 47%ක් වන කාන්තාවන් මානසික හා කායික ආබාධිත බවින් පෙළෙන බවයි. ඔවුන් අධ්‍යාපන හා රැකියාවන්ට යොමුවිය නොහැකිව සිටින බවටද සඳහන් කෙරිණ. 62%ක් පමණක් අධ්‍යාපනය ලබන අතර 34%ක් පමණ වන ප‍්‍රජාවට කිසිදු අධ්‍යාපන විධිමත් අධ්‍යාපනයක් නොලැබේ. විශේෂ අවශ්‍යතා ඇති පුද්ගලයන්ගේ අයිතීන් සුරැකීම සඳහා නීතිමය කාලරාමුවක් ස්ථාපනය කිරීමේ වැදගත්කම ශ‍්‍රී ලංකා ව්‍යවස්ථාවේ 12 (01) උප වගන්තිය මගින් පෙන්වා දී තිබේ. ආබාධිත පුද්ගලයන්ගේ අයිතීන් ආරක්ෂා කිරීම පිළිබඳ පනත සම්මත කරගන්නා ලද්දේ 1996දීය. එමෙන්ම එක්සත් ජාතීන්ගේ ආබාධිත පුද්ගලයන්ගේ අයිතීන් පිළිබඳ සම්මුතිය ද 2016 පෙබරවාරි 8 වැනිදා ශ‍්‍රී ලංකාව අපරානුමත කරගන්නා ලදී. 
මීළඟ ගමන් මඟ 
දරුවන්ට සහ තරුණ තරුණියන්ට විශේෂ අවශ්‍යතාවලදී සමානාත්මකතාව සහ ප‍්‍රවේශවීමේ හැකියාවන්ට ඇති බාධක මෙහිදී හ`දුනාගැනුණේ නීති හා ප‍්‍රතිපත්ති කි‍්‍රයාත්මක කිරීමේදී ඇතිවී තිබෙන දුර්වලතා ලෙසයි. රටේ විශේෂ අවශ්‍යතා ඇති අය පිළිබඳ පවතින දත්ත හිඟතාවය, අපකීර්තිය,මිත්‍යාමත සහ ආබාධිත ප‍්‍රජාව පිළිබඳ ඇති දුර්මත හා දැනුවත්බාවය අවම වීම ද ඊට බලපා තිබේ. හොඳ සෞඛ්‍යයක් සහ යහපැවැත්මට අදාළ ඔවුන්ගේ ව්‍යාපෘති සංවර්ධනය කිරීමේදී මෙම සියලු බාධක බිඳදැමීම සඳහා ඔවුන්ගේ අවධානය යොමුකිරීමට ද මෙය අවස්ථාවක් විය. ලෝක ඔටිසම් දිනය වෙනුවෙන් සියලුදෙනා දැනුම්වත් කිරීම සඳහා ස්ලයිකැන් භාරය විසින් කි‍්‍රයාත්මක කරනු ලබන සමාජ මාධ්‍ය ව්‍යාපෘතිය මෙහිදී  පේ‍්‍රක්ෂකයන් විසින් නිර්මාණය කරන ලද ප‍්‍රජා නායකත්ව ව්‍යාපෘතිවල ඉහත සාධක ප‍්‍රවර්ධනය සඳහා යොදාගත හැකිය. මෙම සම්මන්ත‍්‍රණයේදී තිරසර සංවර්ධන ඉලක්ක -17 හි වැදගත්කම හා ඉලක්ක ජයගැනීමේදී සහයෝගීතාව යන කරුණු පිළිබඳවද අවධාරණය කෙරිණ. ශ‍්‍රී ලංකාව තිරසර සංවර්ධනයක් කරා යන ගමනේදී තරුණ නායකයන්ගේ අවශ්‍යතාව සහ තිරසර ප‍්‍රජා සංවර්ධනය සඳහා ඔවුන්ගේ සහයෝගීත්වය වෙනුවෙන් ජාලයක් ලෙස සන්නද්ධ වීමේ වැදගත්කම ද මෙහිදී අවධාරණය කරන ලදී. 

ගෝලීය මාංශ නිෂ්පාදනයේ ති‍්‍රත්වාකාර හානියෙන් සිදුවන දැවැන්ත පාරිසරික බලපෑම Meatless Monday වැඩසටහන ප‍්‍රාදේශීය මට්ටමින් ප‍්‍රවර්ධනය කිරීම

ගෝලීය මාංශ නිෂ්පාදනයේ ති‍්‍රත්වාකාර හානියෙන් සිදුවන දැවැන්ත පාරිසරික බලපෑම Meatless Monday වැඩසටහන ප‍්‍රාදේශීය මට්ටමින් ප‍්‍රවර්ධනය කිරීම


වියට්නාම  IOGT සහ වියට්නාම බෞද්ධ සංඝ ආයතනයේ සහයෝගීතාවෙන් යුතුව ජාත්‍යන්තර මානව සමාජය විසින් සංවිධාන කොට වියට්නාමයේ හැනෝයිහි දී පවත්වන ලද  ර්‍ “Mindful Eating” සම්මන්ත‍්‍රණය සඳහා SLYCAN අරමුදල හා පාර්ලිමේන්තු මන්ත‍්‍රී පූජ්‍ය අතුරලියේ රතන හිමියන් ද සහභාගි විය. මෙම සම්මන්ත‍්‍රණයේ ප‍්‍රධාන කථිකයන් ලෙස කටයුතු කරනු ලැබුවේ පූජ්‍ය අතුරලියේ රතන හිමියන්, භූතානයේ  Jangsem Monday ලෙසින් කි‍්‍රයාත්මක  Meatless Monday  වැඩපිළිවෙළෙහි නිර්මාතෘ කෙන්පෝ වැන්ග්චක්, කර්ම ඩෙන්ඩප් සහ ජාත්‍යන්තර මානව සමාජය – ගොවිපළ සත්වයන් පිළිබඳ ආසියා පැසිෆික් කලාපයීය වැඩසටහනේ කළමනාකාර රොබට් ලූසියස් යන අයයි. මෙම සම්මන්ත‍්‍රණයේදී, මෑතකදී මෙරට තුළ ආරම්භ කරන ලද  Meatless Monday  වැඩපිළිවෙළ පිළිබඳව ද කරුණු දැක්වීමට SLYCAN අරමුදලේ කවිඳු එදිරිවීරට අවස්ථාව හිමිවිය.


ශ‍්‍රී ලංකාව නියෝජනය කරමින් පූජ්‍ය අතුරලියේ රතන හිමියන් එහිදී කරුණු දක්වා සිටියේ මාංශ නිෂ්පාදනය වෙනුවෙන්, අභිජනන කාර්යය පෝෂණය කිරීම සඳහා ජාන වෙනස් කරන ලද ඉහළ කැලරි ප‍්‍රමාණයක් අන්තර්ගත නිර්මාංශ ආහාර නාස්තිය සිදුවන ආකාරය පිළිබඳවය. උන්වහන්සේගේ තර්කය වූයේ දහස් ගණන් ජනයා පෝෂදායී දෙයින් පෝෂණය කිරීම මගින් මාංශ සැපයුම අවම කොට, කාබන් විමෝචනය අඩු කිරීමට ද දායක විය හැකි බවයි. එහිදී වැඩිදුරටත් අදහස් දක්වමින් උන්වහන්සේ කියා සිටියේ මිනිසා ආකල්පමය වශයෙන් වෙනස් විය යුතු බවය. ජීවත්වීමේදී අනුගමනය කළයුතු විෂ රහිත කෘෂිකාර්මික සංකල්ප සහ ස්ථිරසාර ක‍්‍රම වැඩි වශයෙන් හඳුන්වා දීමෙන් වඩාත් අපේක්ෂිත ආකාරයේ සෞඛ්‍යසම්පන්න පරිසර හිතකාමී පද්ධතියක් නිර්මාණය කිරීමට හැකිවනු ඇති බව පූජ්‍ය අතුරලියේ රතන හිමියෝ එහිදී පෙන්වා දුන්හ. එ් සඳහා වන පුද්ගලික මන්ත‍්‍රී පනත් කෙටුම්පතක් ද 2009 වසරේදී රතන හිමියන් විසින් පාර්ලිමේන්තුවට ඉදිරිපත් කර තිබුණි. 
මෙම සම්මන්ත‍්‍රණය SLYCAN අරමුදලට වඩාත් වැදගත් අවස්ථාවක් බවට පත්විය. එ් මෑතකදී ආරම්භ කරන ලද  Meatless Monday වැඩපිළිවෙළ පිළිබඳ ආයතනික මට්ටමෙන් වඩාත් හොඳ ඉදිරි දර්ශනයක් සැපයීම සඳහායි. 


SLYCAN අරමුදල නියෝජනය කරමින් සම්මන්ත‍්‍රණයට සහභාගි වූ කවිඳු එදිරිවීර අදහස් දක්වමින් මෙසේ පැවැසීය. ”විවිධ රටවල්  Meatless Monday වැඩසටහන විවිධ අයුරින් කි‍්‍රයාත්මක කරනු දැකීම සිත්ඇදගන්නාසුළු කරුණක්. එමෙන්ම ඔවුන් එමගින් මෙහි අරමුණු සාක්ෂාත් කරගන්නා ආකාරයත් දැකගන්න පුළුවන්. ශ‍්‍රී ලංකාව තුළ අප විසින් කි‍්‍රයාත්මක කර ඇති මෙම ව්‍යාපාරය අලූත් දෙයක්. එ් වගේම ඉදිරි කාලයේදී එහි සාර්ථක ප‍්‍රතිඵල අත්විඳින්නට අපිට හැකිවනු නොඅනුමානයි”.


මෙහිදී කථිකයන් මූලිකවම අවධානය යොමුකර තිබුණේ ‘බෞද්ධ දර්ශනය සහ පාරිසරික ආරක්ෂණය’ පිළිබඳව ය. එමෙන්ම බුදුරජාණන් වහන්සේ සහ උන්වහන්සේගේ පරිසර හිතවාදී ජීවන දර්ශනයෙහි ඉගැන්වීම පිළිබඳවය. මානව වර්ගයා පළමුවෙන්ම මිහිකත මාතාවට, සූර්යයාට මෙන්ම මුළුමහත් විශ්වයටත් දෙවනුව, අප වටා ඇති පරිසරය, ආදි මුතුන් මිත්තන් හා අප වෙසෙන සමාජයටත් කළගුණ සැළකිය යුතු බවට ද මෙහිදී අවධාරණය කෙරිණ.
”හේතුවක් ඇතිව හෝ සවිඥනිකව සිතන්නට සතුන්ට හැකියාවක් නෑ. මිනිසුන් වන අප උසස් බුද්ධියකින් යුතු අයයි. බොහෝ බටහිර දාර්ශනිකයන් නිරන්තරයෙන් අවධාරණය කර ඇත්තේ අප විසින් සදාචාරාත්මක බැඳීම්වලින් තොර වී සත්වයන්ට හානි නොකළ යුතු බවත් ඔවුන්ට සැළකිය යුත්තේ මිනිසුන් ලෙස බවයි” යැයි ජාත්‍යන්තර මානව සමාජයේ – ගොවිපළ සත්වයන් පිළිබඳ ආසියානු පැසිෆික් වැඩසටහනේ කළමනාකාර රොබට් ලූසියස් ය. සත්වයන් අපගෙන් වෙනස් නොවන බවත් ඔවුන්ගේ අභිජනන කි‍්‍රයාවලිය පමණක් වෙනස් බවත් ඔහු එහිදී සඳහන් කළේය. 


කථිකයන් මෙහිදී වැඩිදුරටත් අවධාරණය කර සිටියේ නවීන තාක්ෂණය, වඩාත් හොඳ යහපත් දේ සඳහා මිස වත්මන් පරිසරය ද විනාශ කර දැමීමට යොදා නොගත යුතු බවයි. එමෙන්ම පරිසරය ආරක්ෂා කිරීමේ කාර්යයේදී කිසිදු වරදක් සිදුවීමට ඉඩක් නොතැබිය යුතු බවට ද ඔවුහු මෙහිදී අවධාරණය කළහ. විශේෂයෙන්ම නවීන සමාජ ක‍්‍රමය තුළ සිදුවන වන විනාශය හා කාර්මීකරණය හේතුවෙන් ලෝකය වෙත එල්ල කරන හානිකර බලපෑම පිළිබඳ අවබෝධයෙන් යුතුව කටයුතු කළ යුතු බවට ද මෙහිදී පෙන්වා දුනි. 
සත්ව නිෂ්පාදන පරිභෝජනය සම්බන්ධයෙන් ජනතාව මුළාකරන ආකාරය පිළිබඳ ලූයිසියස් මහතා මෙහිදී පැහැදිලි කිරීමක් කළේය. උදාහරණයක් ලෙස උපුටා දක්වමින් ඔහු පැවසුවේ කර්මාන්ත සම්බන්ධ වෙනත් සාධක නොසළකා හරිමින් ලාබ පමණක් අරමුණු කොටගැනීමේ පද්ධති වෙනසට කාර්මික විප්ලවය වගකිව යුතු බවයි. එහිදී සෙසු ජානමය වෙනස්කම් කිරීමේ වැරදි සහගත දේ අතර සත්ව ඝාතනය තෙක් රෝග බෝවීම වැළැක්විම සඳහා සතුන්ගේ ස්වභාවික හැසිරීම වැළැක්වීමට රසායනික ද්‍රව්‍ය එන්නත් කිරීම ද සිදුවන බව ඔහු පවසා තිබුණි. 

නිර්මාංශ සඳුදා ශ්‍රී ලංකා – 2017

නිර්මාංශ සඳුදා ශ්‍රී ලංකා – 2017

2015 වසරේදී ආරම්භ කරන ලද ‘නිර්මාංශ සඳුදා ශ්‍රී ලංකා’ ව්‍යාපෘතිය සීමා මායිම් අභිබවමින් ජාතික වශයෙන් පමණක් නොව ජාත්‍යන්තර මට්ටම දක්වා  ව්‍යාප්ත වෙමින් තිබේ. 2017 වසර නිර්මාංශ සඳුදා ශ්‍රී ලංකා ව්‍යාපෘතියට අතිශය සාර්ථක ප්‍රතිඵල ළගා කළ වසරකි. ඊට හේතු වූයේ නිර්මාංශ වීම හා මානුෂීය ජීවන රටාවකට හුරුවූ ශ්‍රී ලංකාවක් බිහිකිරීම වෙනුවෙන් එම වසරේදී මෙවැනි අරමුණු ඇති විවිධ සංවිධාන ගණනාවක් සමග සම්බන්ධ වී සහයෝගීතාවෙන් යුතුව විවිධාංගීකරණය කරන ලද විශේෂ අවස්ථා, ප්‍රවර්ධන වැඩසටහන් රාශියක් දියත් කිරීමයි.

2017 නිර්මාංශ සඳුදා වැඩසටහනේ දේශීය හා ජාතික මට්ටම දක්වා වන ව්‍යාප්තිය

නිර්මාංශ සඳුදා ව්‍යාපෘතියේ මෙම වසරේදී සිදුකරන ලද ප්‍රධානතම කටයුත්ත වූයේ මෙම ව්‍යාපාරය ජාතික මට්ටමට ඔසවා තැබීමයි. ඒ ආසියානු බෞද්ධ සත්ව අයිතිවාසිකම් පිළිබද සමුළුවේ දෙවැනි සැසිවාරය එම වස‌රේදී කොළඹ බෞද්ධ සංස්කෘතික මධ්‍යස්ථානයේදී පැවැත්වීමත් සමගය. මෙම සමුළුව සංවිධාන කරන ලද්දේ අනගාරික ධර්මපාල මානුෂීය පදනම, සත්වයන් සදහා වන ධර්ම හඞ (DVA) සහ නිර්මාංශ සඳුදා ශ්‍රී ලංකා ව්‍යාපෘතිය ඒකාබද්ධව ය. සමුළුවට සහභාගි වී සිටි සියලුමදෙනා වෙත සඳුදා සිට නිර්මාංශ වන බවට පොරොන්දුවක් ලබාදෙන්නැයි ඉල්ලීමක් කරමින් “නිර්මාංශ වීමේ ප්‍රතිඥාව” සිදුකිරීමට නිර්මාංශ සඳුදා ව්‍යාපෘතිය කටයුතු කළ අතර එය, මෙම සමුළුවේ විශේෂිත අංගයක් බවට පත්විය. ඒ අනුව පාසල් සිසුදරුවන් ඇතුළු ඊට සහභාගිවූවන් සියලුදෙනාම පාහේ මෙම ප්‍රතිඥාවට අත්සන් තැබූයේ අවම වශයෙන් සතියකට එක් දිනක් හෝ නිර්මාංශ වන බවට හා කිරි නිෂ්පාදන පරිභෝජනයෙන් බැහැර වන බවට පොරොන්දු වෙමිනි.

 “දේශගුණික විපර්යාස පිළිබද තරුණ සංසදය” (YFCC) එම වසරේදී පැවැත්වූ මීළග සුවිශේෂී අංගයයි. ඒ වෙනුවෙන් මහවැලි සංවර්ධන හා පරිසර අමාත්‍යාංශය සහ දේශගුණ විපර්යාස පිළිබද මහලේකම් කාර්යාලය (CCS) සමග ඒකාබද්ධව කටයුතු කිරීමට නිර්මාංශ සඳුදා ව්‍යාපෘතියට හැකිවීම, ව්‍යාපෘති දිනදසුනෙහි සැළකිය යුතු අවධානයක් ලබාගැනීමට හැකිවූ සුවිශේෂී අංගයක් විය. මෙම ව්‍යාපාරය මගින් කරනු ලබන ක්‍රියාකාරකම් සදහා තරුණ ප්‍රජාවගේ් දායකත්වය සහ ඔවුන් නිර්මාංශ ජීවන රටාවක් වෙත අනුහුරු වීම කෙතරම් වැදගත් ද, එය දේශගුණික විපර්යාසයට බලපාන ආකාරය හා ඒවාට විසදුම් සෙවීමට තරුණ විද්වතුන් සහ වෘත්තීයවේදීන්ට සහය වීම පිළිබද දේශගුණික විපර්යාස පිළිබද තරුණ සංසදයේ දී අවධාරණය කෙරිණ. අඛණ්ඩව වසර දෙකක් තිස්සේ සාර්ථකව පැමිණි නිර්මාංශ සඳුදා ව්‍යාපෘතිය, ඔක්තෝබරයේ පැවැත්වූ ‘මීළග ශ්‍රී ලංකාව – නීල හරිත යුගයක්’ ප්‍රදර්ශනය හා සම්මේලනයේ අංගයක් ලෙස දේශගුණ විපර්යාස පිළිබද තරුණ සංසදය සංවිධාන කිරීමට දායකත්වය දැක්වීය. නිර්මාංශ වීමේ වැදගත්කම හා එමගින් නිෂ්පාදන ක්‍රියාවලියට කරන ලද බලපෑම, පාරිසරික වශයෙන් සිදුවන බලපෑම, පුද්ගලික සෞඛ්‍ය ආදී කරුණු පිළිබද වැඩි අවධානයක් යොමු කරමින් මෙම ජාතික තලයේ සුවිශේෂී අවස්ථාව වඩාත් සාර්ථක කරගැනීමට හැකිවිය.

සෙසු විශේෂ අවස්ථා සංවිධානය කිරීමේදී ඉස්මතු කෙරුණේ නිර්මාංශ සඳුදා පිළිබද පණිවුඩය තරුණ නායකත්වය පෙරදැරි කරගනිමින් සන්නිවේදනය කිරීමයි. ඒ සදහා “Youth4Youth” වැඩසටහන, එක්සත් ජාතීන්ගේ ජනගහන අරමුදල මගින් සංවිධාන කෙරිණි. ‘තිරසර සංවර්ධනයක් සදහා තරුණ ප්‍රජාවගේ ඵලදායී දායකත්වය’ යන තේමාවෙන් යුතුව මෙම වැඩසටහන සංවිධාන කර තිබිණ. මෙරට රජයේ දැක්ම වූ ‘තිරසර යුගයක්’ යන්නෙහි එක් අංගයක් ලෙස හා “Peace Expo and Colombo Food Fest 2017”ට සමගාමීව මෙම අවස්ථාව සංවිධාන කර තිබුණි. නිර්මාංශ ජීවන රටාවක වැදගත්කම හා එමගින් තිරසර සංවර්ධනයක් කරා යා හැක්කේ කෙසේද? ඒ වෙනුවෙන් තරුණ ප්‍රජාවගේ දායකත්වය හා උපදේශනය ද යන ‘නිර්මාංශ සදුදා’ ව්‍යාපෘතියේ පණිවුඩය මෙම සුවිශේෂී අවස්ථාව තුළින් සන්නිවේදනය කෙරිණ.

නිර්මාංශ සඳුදා ශ්‍රී ලංකා-2017′ ව්‍යාපෘතියේ සුවිශේෂී අවස්ථා සහ ජාත්‍යන්තර වැඩසටහන්


නිර්මාංශ සඳුදා ව්‍යාපෘතියේ 2017 වසරේ සිදුවූ අන්තජාතික මට්ටමේ ව්‍යාප්තිය උදෙසා, තරුණ සමුළුව හා දේශගුණ විපර්යාස සදහා වූ එක්සත් ජාතීන්ගේ රාමුගත සම්මුතිය (UNFCCC) ඒකාබද්ධව කටයුතු කිරීම මගින් ගෝලීය ‌මට්ටමෙන් මෙම ව්‍යාපෘතිය ව්‍යාප්ත කිරීමට අතිමහත් දායකත්වයක් දැක්වීය. 13 වැනි තරුණ සමුළුව (COY13) නොවැම්බර් මස 2 වන හා 4 වන දිනවලදී ජර්මනියේ, බොන්හිදි පැවැත්වුණේ ‘Talanoa Mada- දේශගුණ ක්‍රියාකාරිත්වය කඩිනම් කිරීම සදහා තාරුණ්‍යය’ තේමාව ඔස්සේ ය. නිර්මාංශ ජීවන රටාවකට පුරුදු වීමේ අවශ්‍යතාව, දේශගුණ විපර්යාස වැළැක්වීම සදහා තිරසර ජීවන රටාවක වැදගත්කම හා නිර්මාංශ සඳුදා ව්‍යාපෘතිය පිළිබද දැනුවත් කිරීම අරමුණු කරගනිමින් ස්ලයිකැන් භාරයේ විශේෂ අවස්ථා සංවිධාන කර තිබිණ. ඊට අමතරව, 13 වැනි තරුණ සමුළුව අතරතුර, නිර්මාංශ සඳුදා ව්‍යාපෘතිය පිළිබද අධ්‍යාපනික හා ප්‍රවර්ධන ව්‍යාපාරයක් ද ක්‍රියාත්මක කළේ ය. අපගේ කුටිය වෙත පැමිණෙන තරුණ ප්‍රජාව වෙත නිර්මාංශ සඳුදා ශ්‍රී ලංකා ව්‍යාපෘතියේ ක්‍රියාකාරිත්වය, දේශගුණ විපර්යාස සදහා විසදුම් සෙවීම, නිර්මාංශ ජීවන රටාවක වැදගත්කම, අර්ථාන්විත මානව පැවැත්ම හා රට තුළ මෙවන් ව්‍යාපෘති තවදුරටත් ක්‍රියාත්මක කිරිමේ වැදගත්කම යනාදි කරුණු පිළිබද දැනුවත් කොට ඔවුන් ඒ වෙනුවෙන් ධෛර්යමත් කිරීමට කටයුතු කෙරිණ.

හෝටල් සහ අවන්හල් ව්‍යාප්තිය

හෝටල් හා අවන්හල් සදහා වන වැඩසටහන මෙම ව්‍යාපෘතියේ වැදගත් අංගයක් ‌විය. මෙම වැඩසටහන මගින් අරමුණු කරන ලද්දේ නිර්මාංශ ආහාර වැඩි වශයෙන් සැකසීමට ඔවුන් ධෛර්යමත් කිරීම, සෙසු ආහාර මෙන්ම නිර්මාංශ ආහාර විවිධාංගීකරණයෙන් යුතුව ඉදිරිපත් කිරීමට සැලැස්වීම, පාරිභෝගිකයන් නිර්මාංශ ආහාර සදහා යොමුවීමට සැලැස්වීම යනාදි කරුණු පිළිබදවයි. අවන්හල් වෙත ඇදෙන පාරිභෝගිකයන් තරගකාරී ආහාර වර්ග අතරතුර වුවද නිර්මාංශ ආහාර වෙත. යොමුවන පරිදි බලපෑම්සහගතව කටයුතු කිරීමට 2017 වසරේදී අපිට හැකියාව ලැබුණි. මෙහිදී නිවෙස්වල සිට මෙම ව්‍යාපාර සදහා යොමුවූ සුලු පරිමාණ ව්‍යවසායකයින් මෙන්ම තරුපහේ හෝටල්, අවන්හල් වෙත ද ළගාවී මෙම ව්‍යාපෘතිය මගින් බලපෑමක් ඇතිකිරීමට අපිට හැකිවිය.

කොළඹ පිහිටි ප්‍රධාන පෙළේ හෝටල් සමූහයේ පවතින ගෝල්‌ෆේස් හෝටලය හා ගල්කිස්ස මහහෝටලය සමග අපගේ සහයෝගීතාවෙන් යුතුව විශේෂ වැඩසටහන් ගණනාවක් ‌එම වසර තුළදී සාර්ථකව පැවැත්වීමට හැකියාව ලැබුණි. ප්‍රධානතම අංගයක් වූයේ ‘නිර්මාංශ සතිය’ වැඩසටහනයි. එමෙන්ම නිර්මාංශ රාත්‍රි බුෆේ ආහාරවේල ද මෙම වැඩසටහනේ දී සාර්ථක වූ තවත් උත්සහයකි. ස්වීඩන ජාතික සූපවේදී ටෝරා ඕල්සන් ‘නිර්මාංශ සතිය’ වැඩසහන වෙනුවෙන් ආරාධනා ලැබීය. ඇය විසින් නිර්මාංශ ආහාර සැකසීමේ වැඩමුළුව මෙහෙයවන ලදී. කාර්යබහුල ජීවිතයක් ගෙවන ඕනෑම අයකුට පහසුවෙන් නිර්මාංශ ආහාර වේල් සකසා ගන්නා ආකාරය පිළිබද ඇය කරන ලද වැඩමුළුව ඒ සදහා සහභාගිවුවන්ගේ ආකර්ෂණය දිනාගත් එකක් විය.

නිර්මාංශ සඳුදා ව්‍යාපෘතියේ තරගාවලි, ප්‍රවර්ධන වැඩසටහන් රාශියක් 2017 වසර පුරා පැවැත්විණ. එහිදී නිර්මාංශ ජීවන රටාවක් හා නිර්මාංශ ආහාර නිෂ්පාදනය ප්‍රවර්දනය වෙනුවෙන් පැවැති ප්‍රදර්ශන, සමාජ මාධ්‍ය තරගාවලි සදහා Vegan Sri Lanka, Fit Sugar, Smokey’s, the Vegan Kitchen’s Coffee Lounge ආදීන් විසින් වෙළෙද කුටි පවත්වාගෙන යමින් අප සමග සහයෝගීතාවෙන් කටයුතු කරනු ලැබීය.

සමාජ මාධ්‍ය ව්‍යාප්තිය

නිර්මාංශ සඳුදා ශ්‍රී ලංකා ව්‍යාපාරයේ සමාජ මාධ්‍ය ව්‍යාප්තිය වසරක් වසරක් පාසා වඩාත් ශක්තිමත් වෙයි. මෙම ව්‍යාපාරය ෆේස්බුක්, ඉන්ස්ටග්‍රෑම් අාදී සමාජ මාධ්‍ය තුළ හා නිර්මාංශ සඳුදා බ්ලොග් අඩිවිය තුළ සක්‍රීය දායකත්වයක් දක්වනු ලබයි. 2017 වසර අවසානය වනවිට අපගේ ෆේස්බුක් පිටුව තුළ 7700ක පසුහඹන්නන් (Followers) එක්කරගැනීමට හැකිවිය. මෙම ව්‍යාපාරය මගින් සෑම සඳුදාවකම නිර්මාංශ ආහාර වේල් පිළිබද දැනුවත්කිරීම් හා අපගේ වැඩසටහන් පිළිබද යාවත්කාලීන කිරීම් ද සමාජ මාධ්‍ය තුළ මුදාහැරීමට කටයුතු කරනු ලබයි.

නිර්මාංශ සඳුදා ශ්‍රී ලංකා 2018 දැක්ම2017 වසරේ ලැබූ සාර්ථකත්වයත් සමග නිර්මාංශ සඳුදා ව්‍යාපාරයේ 2018 වසරේ ඉලක්කය වූයේ සෑම ‌අයකුම සතියේ සඳුදා දිනයේදී නිර්මාංශ ආහාර ගැනීමට පෙළඹවීමත් ඒ සදහා සක්‍රීයව දායක කරගැනීමත් ය. මෙම ව්‍යාපාරය ඒ වෙනුවෙන් නිර්මාංශ ජීවන රටාවකට ජනතාව අනුහුරු කරවීම සදහා විවිධාකාරයේ වැඩසටහන් ගණනාවක් ක්‍රියාත්මක කළේය. තිරසර සංවර්ධනය, දේශගුණ විපර්යාස අවම කිරීම, සත්ව සුබසාධනය ප්‍රවර්ධනය මෙන්ම පුද්ගලික සෞඛ්‍යසම්පන්න බව වැඩිදියුණු කිරීමේ වැදගත්කම ආදිය පිළිබද මෙහිදී වඩාත් බලපෑම්සහගත සන්නිවේදනයක් කිරීම අරමුණ විය.